Back to Top

கால்கள் வெட்டப்பட்ட நிலையில் சிறுத்தையின் உடல் மீட்பு

கால்கள் வெட்டப்பட்ட நிலையில் சிறுத்தையின் உடல் மீட்பு

April 2, 2018  09:55 am

Bookmark and Share
ஹட்டன் பொலிஸ் பிரிவிற்குட்பட்ட ஹட்டன் – டிக்கோயா ஹட்லி தோட்டத்தில் கைவிடப்பட்டு காடாக காணப்பட்ட தேயிலை மலையில் இருந்து நான்கு அடி நீளமான சிறுத்தை ஒன்று இன்று (02) காலை 7 மணியளவில் மீட்கப்பட்டுள்ளதாக ஹட்டன் பொலிஸார் தெரிவித்தனர்.

இறந்த நிலையில் சிறுத்தை கிடப்பதை அப்பகுதி வழியாக தொழிலுக்கு சென்ற தொழிலாளர்கள் கண்டு பொலிஸாருக்கு தகவல் வழங்கியதை தொடர்ந்து மேற்படி சிறுத்தை மீட்கப்பட்டுள்ளது.

சிறுத்தையின் உடலில் கால்கள் இல்லாது, உருக்குலைந்த நிலையில் காணப்பட்டதோடு, இதேவேளை காகங்களால் சிறுத்தையின் கால்களை இழுத்துச் சென்று ஆங்காங்கே வீதிகளில் போடப்பட்டிருந்தமையும் காணக்கூடியதாக இருந்ததாக எமது செய்தியாளர் தெரிவிக்கின்றார்.

இச்சம்பவம் தொடர்பில் குறித்த சிறுத்தையின் உடலை, நல்லதண்ணியில் உள்ள வன ஜீவராசிகள் திணைக்களத்திற்கு அனுப்பி வைத்துள்ளதாகவும் ஹட்டன் பொலிஸார் தெரிவித்தனர்.

குறித்த சிறுத்தையை நஞ்சு வைத்து கொன்றுள்ளார்களா? அல்லது வேறு எதுவும் காரணங்களால் சிறுத்தை உயிரிழந்துள்ளதாக என்பது தொடர்பாக பொலிஸார் விசாரணைகளை மேற்கொண்டு வருகின்றனர்.

(மலையக நிருபர் கிரிஷாந்தன்)