Back to Top

TNPL 2018 - வெற்றி குறித்து திருச்சி அணி தலைவர் கருத்து

TNPL 2018 - வெற்றி குறித்து திருச்சி அணி தலைவர் கருத்து

July 12, 2018  11:58 am

Bookmark and Share
TNPL கிரிக்கெட் தொடரில் திண்டுக்கலுக்கு எதிராக நம்பிக்கையோடு விளையாடி வெற்றி பெற்றது மகிழ்ச்சி அளிப்பதாக திருச்சி அணி தலைவர் இந்திரஜித் கூறியுள்ளார்.

3 வது TNPL 20 ஓவர் கிரிக்கெட் போட்டி நெல்லையில் நேற்று தொடங்கியது, திண்டுக்கல் டிராகன்ஸ்- திருச்சி வாரியர்ஸ் அணிகள் மோதின. பரப்பான இந்த போட்டியில் திருச்சி அணி 4 விக்கெட் வித்தியாசத்தில் வெற்றி பெற்றது.

இந்த வெற்றி குறித்து திருச்சி வாரியர்ஸ் தலைவர் பாபா இந்திரஜித் நிருபர்களிடம் கூறியதாவது, 173 ஓட்டங்கள் என்பது இந்த ஆடுகளத்தில் சிறந்த ஓட்டங்கள் தான். இதனால் விக்கெட்டுகளை கையில் வைத்திருக்க வேண்டும் என்று விரும்பினோம். ஆனால் 87 ஓட்டங்களில் 5 விக்கெட்டை இழந்து விட்டோம்.

எனக்கு நம்பிக்கை இருந்தது. ஆனாலும் நடைமுறையில் சாத்தியம் இல்லை என்பதும் தெரியும். ஆட்டத்தை நெருக்கமாக கொண்டு வந்தவுடன் தோல்வியின் எல்லையை குறைக்க முடியும் என்று நினைத்தோம்.

கடைசி 5 முதல் 6 ஓவரில் நாங்கள் சிறப்பான ஆட்டத்தை வெளிப்படுத்தினோம். எல்லாம் நல்ல படியாக அமைந்ததால் வெற்றி பெற்றோம். இந்த வெற்றி மகிழ்ச்சி அளிக்கிறது.

சுரேஷ் குமார் நீண்ட காலமாகவே நிலையான ஆட்டத்தை வெளிப்படுத்தி வருகிறார். இதனால் தான் வீரர்கள் ஏலத்தில் அவரை விரைவிலேயே எடுத்தோம். அவர் ஒரு அற்புதமான இன்னிங்சை வெளிப்படுத்தினார்.

தோல்வி குறித்து திண்டுக்கல் அணி வீரர் ஹரி நிஷாந்த் கூறும் போது, "172 ஓட்டங்கள் என்பது நல்ல ஓட்டங்கள் ஆகும். சில முக்கியமான பிடிகளை தவறவிட்டோம். எங்களது களத்தடுப்பு தரத்தை மேம்படுத்த வேண்டும்" என்றார்.

இன்று ஒய்வு நாளாகும். நாளைய 2 வது லீக் ஆட்டத்தில் திண்டுக்கல் டிராகன்ஸ்- மதுரை பாந்தர்ஸ் அணிகள் மோதுகின்றன.

Most Viewed