Back to Top

பெரஹராவின் போது யானை தாக்கிய பொலிஸ் அதிகாரி உயிரிழப்பு

பெரஹராவின் போது யானை தாக்கிய பொலிஸ் அதிகாரி உயிரிழப்பு

July 12, 2018  02:44 pm

Bookmark and Share
இரத்தினபுரி, கஹவத்த நகரில் அண்மையில் இடம்பெற்ற பெரஹராவின் போது யானை குழம்பிய சம்பவத்தில் படுகாயமடைந்த பொலிஸ் அதிகாரியொருவர் உயிரிழந்துள்ளார்.

குறித்த பொலிஸ் அதிகாரி நேற்று (11) இரவு உயிரிழந்ததாக பொலிஸ் ஊடகப் பேச்சாளர் அலுவலகம் கூறியுள்ளது.

கடந்த 01ம் திகதி இரத்தினபுரி, கஹவத்த பிரதேசத்தில் இடம்பெற்ற பெரஹராவின் போதுயானை குழம்பியதில் 30 பேர் காயமடைந்து வைத்தியசாலையில் அனுமதிக்கப்பட்டமை குறிப்பிடத்தக்கது.

சம்பவத்தில் யானையால் மிதிபட்டு படுகாயமடைந்து வைத்தியசாலையில் தீவிர சிகிச்சைப்பிரிவில் சிகிச்சைப்பெற்று வந்த நிலையில் குறித்த பொலிஸ் அதிகாரி உயிரிழந்துள்ளார்.

உடவளவை பொலிஸ் நிலையத்தில் சேவை புரிந்த 51 வயதுடைய பொலிஸ் அதிகாரி ஒருவரெ உயிரிழந்துள்ளார்.