Back to Top

 வரலாற்று சிறப்புமிக்க  1000 வது டெஸ்ட் - இங்கிலாந்து வெற்றி

வரலாற்று சிறப்புமிக்க 1000 வது டெஸ்ட் - இங்கிலாந்து வெற்றி

August 5, 2018  08:16 am

Bookmark and Share
இங்கிலாந்து - இந்தியா அணிகளுக்கு இடையிலான முதல் டெஸ்ட் போட்டி பேர்மிங்காம் நகரின் எட்ஜ்பாஸ்டன் மைதானத்தில் நடைபெற்றது.

இந்த டெஸ்ட் போட்டி இந்தியாவை விட இங்கிலாந்துக்குதான் அதிக முக்கியத்துவம் வாய்ந்தது. ஏனெனில், இங்கிலாந்து 1877 ஆம் ஆண்டில் இருந்து இதுவரை 999 டெஸ்ட் போட்டிகளில் விளையாடி உள்ளது. இந்த டெஸ்ட் இங்கிலாந்து அணியின் வரலாற்று சிறப்புமிக்க 1000 வது டெஸ்ட் ஆகும்.

இந்த டெஸ்ட் போட்டியின் 4 வது நாளில் இந்தியாவை 31 ஓட்டங்களில் வீழ்த்தி இங்கிலாந்து அபார வெற்றி பெற்றுள்ளது.

இங்கிலாந்து அணி இதுவரை 1000 டெஸ்ட் போட்டிகளில் 358 இல் வெற்றியும், 297 இல் தோல்வியையும், 345 போட்டிகளில் சமனிலையைுயம் சந்தித்துள்ளது.

எட்ஜ்பாஸ்டனில் இதுவரை இங்கிலாந்து 1902 இல் இருந்து 51 டெஸ்ட் போட்டிகளில் விளையாடியுள்ளது. இதில் 28 போட்டிகளில் வெற்றியும், 8 இல் தோல்வியும், 15 இல் சமநிலையும் செய்துள்ளது.

1000 வது டெஸ்டில் விளையாடிய இங்கிலாந்து மற்றும் வேல்ஸ் கிரிக்கெட் போர்டிற்கு சர்வதேச கிரிக்கெட் வாரியம் தனது வாழ்த்துக்களை தெரிவித்திருந்தது குறிப்பிடத்தக்கது.