Back to Top

சித்தப்பாவின் தாக்குதலினால் மகள் பலி - மகன் வைத்தியசாலையில்

சித்தப்பாவின் தாக்குதலினால் மகள் பலி - மகன் வைத்தியசாலையில்

June 17, 2019  11:26 pm

Bookmark and Share
கோப்பாய் பொலிஸ் பிரிவுக்குட்பட்ட வசந்தபுரம் பகுதியில் நபர் ஒருவரினால்  மேற்கொள்ளப்பட்ட தாக்குதலில் ஒருவர் உயிரிழந்துள்ளதுடன் மேலும் ஒருவர் காயமடைந்து வைத்தியசாலையில் அனுமதிக்கப்பட்டுள்ளார்.

இன்று காலை 10.30 மணியளவில் ஒரே குடும்பத்தைச் சேர்ந்த ஆண் மற்றும் பெண் ஒருவர் மீது இவ்வாறு தாக்குதல் மேற்கொள்ளப்பட்டுள்ளது.

தாக்குதலில் பலத்த காயமடைந்த இருவரையும் யாழ்ப்பாணம் வைத்தியசாலையில் அனுமதிக்கப்பட்ட பின்னர் அதில் பெண்ணொருவர் உயிரிழந்துள்ளார்.

வசந்தபுரம் பகுதியைச் சேர்ந்த 30 வயதுடைய பாலசிங்கம் ஹரிதா எனும் பெண்ணே இவ்வாறு உயிரிழந்துள்ளார்.

காணிப் பிரச்சினை ஒன்றின் காரணமாக இந்த தாக்குதல் மேற்கொள்ளப்பட்டுள்ளதாக தெரிவிக்கப்படுகின்றது.

தாக்குதலுக்குள்ளான இருவரின் சித்தப்பாவினால் குறித்த தாக்குதல் மேற்கொள்ளப்பட்டுள்ளதாக தெரிவிக்கப்படுகின்றது.

சம்பவம் தொடர்பில் கோப்பாய் பொலிஸார் மேலதிக விசாரணைகளை மேற்கொண்டு வருகின்றனர்.