Back to Top

டொனால்ட் டிரம்புக்கு அபராதம் விதித்த பெண் நீதிபதி!

டொனால்ட் டிரம்புக்கு அபராதம் விதித்த பெண் நீதிபதி!

November 8, 2019  09:48 am

Bookmark and Share
தனது அறக்கட்டளையின் நிதியை முறைகேடான வகையில், தேர்தல் செலவுகளுக்கு பயன்படுத்தியதற்காக நியூயோர்க் நீதிமன்றம் ஒன்று அமெரிக்க ஜனாதிபதி டொனால்ட் டிரம்புக்கு இரண்டு மில்லியன் அமெரிக்க டொலர் அபராதம் விதித்துள்ளது.

தனது சொந்த நலன்களுக்காக ´டொனால்ட் ஜே டிரம்ப் பவுண்டேஷன்´ எனும் அந்த அறக்கட்டளையை டிரம்ப் பயன்படுத்துகிறார் என்று குற்றச்சாட்டு எழுந்ததால், 2018 ஆம் ஆண்டு அது மூடப்பட்டது.

இத்தகைய அறக்கட்டளை அரசியல் நடவடிக்கைகளில் ஈடுபடக்கூடாது என்று நீதிபதி சேலியன் ஸ்கார்புலா தெரிவித்தார்.

முன்னாள் பாதுகாப்பு படையினருக்காக வசூலிக்கப்பட்ட பணம் டிரம்ப் தேர்தல் செலவுக்கு 2016 இல் முறைகேடாக பயன்படுத்தப்பட்டது என்று நீதிபதி தெரிவித்துள்ளார்.

டிரம்ப் அபராதமாக செலுத்தும் பணம், அவருடன் தொடர்பில்லாத வேறு எட்டு தொண்டு நிறுவனங்களுக்கு பகிர்ந்து வழங்கப்பட வேண்டும் என்று உத்தரவிடப்பட்டுள்ளது.