Back to Top

TNA உறுப்பினர்களை சந்தித்த அமெரிக்க உதவி இராஜாங்க செயலாளர் அலிஸ் வெல்ஸ்

TNA உறுப்பினர்களை சந்தித்த அமெரிக்க உதவி இராஜாங்க செயலாளர் அலிஸ் வெல்ஸ்

January 14, 2020  06:07 pm

Bookmark and Share
இரண்டு நாள் உத்தியோகப்பூர்வ விஜயமொன்றை மேற்கொண்டு இலங்கைக்கு வருகைதந்துள்ள அமெரிக்க உதவி இராஜாங்க செயலாளர் அலிஸ் வெல்ஸ்க்கும், தமிழ் தேசிய கூட்டமைப்பின் பிரதிநிதிகளுக்கும் இடையில் சந்திப்பு ஒன்று இடம்பெற்றுள்ளது.

கொழும்பில் இடம்பெற்ற இந்த சந்திப்பில் கூட்டமைப்பின் தலைவர் இரா.சம்பந்தன் மற்றும் கூட்டமைப்பின் பேச்சாளரும், பாராளுமன்ற உறுப்பினருமான எம்.ஏ.சுமந்திரன் ஆகியோர் கலந்துக்கொண்டனர்.

இதன்போது எவ்வாறான விடயங்கள் குறித்து கலந்துரையாடப்பட்டன என்பது குறித்த எந்தவித தகவல்களையும் கூட்டமைப்பின் ஊடகப்பிரிவு வெளியிடவில்லை.

எனினும் எதிர்வரும் ஜெனிவா மாநாட்டில் இலங்கை தொடர்பாக முன்வைக்கப்படவுள்ள பிரேரணை, சமகால அரசியல் நிலைமைகள் மற்றும் வடக்கு, கிழக்கு வாழ் தமிழ் மக்களின் வாழ்வியல் தொடர்பில் கலந்துரையாடப்பட்டுள்ளதாக தெரிவிக்கப்படுகின்றது.

அமெரிக்காவின் தெற்கு மற்றும் மத்திய ஆசிய விவகாரங்கள் தொடர்பான உதவிச் செயலாளர் எலிஸ் வெல்ஸ் நாட்டுக்கு இன்று (14) காலை நாட்டுக்கு வருகைதந்தார்.

அவருடன் மூவர் அடங்கிய தூதுகுழு அதிகாரிகளும் நாட்டை வந்தடைந்துள்ளனர்.