Back to Top

 500 விக்கெட்டுகள் வீழ்த்தி ஸ்டூவர்ட் பிராட் சாதனை

500 விக்கெட்டுகள் வீழ்த்தி ஸ்டூவர்ட் பிராட் சாதனை

July 29, 2020  10:40 am

Bookmark and Share
இங்கிலாந்தின் தலைசிறந்த வேகப்பந்து வீச்சாளராக ஜேம்ஸ் ஆண்டர்கன், ஸ்டூவர்ட் பிராட் ஆகியோர் திகழ்ந்து வருகின்றனர். மேற்கிந்திய தீவுக்கு எதிரான முதல் டெஸ்டில் ஸ்டூவர்ட் பிராட் நீக்கப்பட்டார். இதனால் கடும் விமர்சனம் எழும்பியது. இங்கிலாந்து அணியும் தோல்வியடைந்தது.

இதனால் 2 வது போட்டியில் சேர்க்கப்பட்டார். ஸ்டூவர்ட் பிராட் அபாரமான பந்து வீச்சை வெளிப்படுத்தினார். இவரின் சிறப்பான பந்து வீச்சு மற்றும் பென் ஸ்டோக்ஸ் இன் துடுப்பாட்டத்தாலும் லும் இங்கிலாந்து வெற்றி பெற்றது.

3 வது மற்றும் கடைசி டெஸ்ட் மான்செஸ்டர் எமிரேட்ஸ் ஓல்டு டிராஃபோர்டில் நடைபெற்று வருகிறது. முதல் இன்னிங்சில் ஸ்டூவர்ட் பிராட் ஆறு விக்கெட் வீழ்த்தினார். 2 வது இன்னிங்சில் மேற்கிந்திய தீவுகள் அணியின் முதல் 2 விக்கெட்டுகளையும் வீழ்த்தியிருந்தார். நேற்றைய 4 வது நாள் ஆட்டம் மழையால் ரத்து செய்யப்பட்டது.

இன்று 5 வது மற்றும் கடைசி நாள் ஆட்டம் தொடங்கியது. மேற்கிந்திய தீவுகள் துடுப்பாட்ட வீரர் கிரேக் பிராத்வைட் 19 ஓட்டங்கள் எடுத்த நிலையில் ஸ்டூவர்ட் பிராட் பிராட் பந்தில் ஆட்டமிழந்தார்.

இந்த விக்கெட் மூலம் ஸ்டூவர்ட் பிராட் டெஸ்ட் கிரிக்கெட் வரலாற்றில் 500 விக்கெட்டுகள் வீழ்த்தி சாதனைப் படைத்தார். ஏற்கனவே ஜேம்ஸ் ஆண்டர்சன் 500 விக்கெட் வீழ்த்திய முதல் இங்கிலாந்து பந்து வீச்சாளர் என்ற பெருமையை பெற்றிருந்தார். தற்போது ஸ்டூவர்ட் பிராட் 2 வது வீரர் என்ற பெருமையை பெற்றுள்ளார்.

ஜேம்ஸ் ஆண்டர்சன் 129 டெஸ்டில் இந்த சாதனையை எட்டிய நிலையில் ஸ்டூவர்ட் பிராட் 140 போட்டியில் எட்டியுள்ளார்.

Most Viewed