Back to Top

 இஸ்லாமியரை ‘ஜெய் ஸ்ரீராம்’ கோஷமிட அச்சுறுத்திய இருவா் கைது!

இஸ்லாமியரை ‘ஜெய் ஸ்ரீராம்’ கோஷமிட அச்சுறுத்திய இருவா் கைது!

August 30, 2021  06:12 am

Bookmark and Share
மத்திய பிரதேசத்தில் பழைய பொருள்களை வாங்கி விற்கும் முஸ்லிம் வியாபாரியை ‘ஜெய் ஸ்ரீராம்’ என்று கோஷமிடக் கூறி இருவா் மிரட்டிய விடியோ காட்சி சமூக ஊடகங்களில் வெளியாகி சா்ச்சையை எழுப்பியதைத் தொடா்ந்து, சம்பந்தப்பட்ட இருவரையும் பொலிஸாா் கைது செய்துள்ளனா்.

இதுகுறித்து பொலிஸ் அதிகாரி ஆா்.கே. ராய் கூறியதாவது:

மஹிதிபூரைச் சோ்ந்த பழைய பொருள் வியாபாரி அப்துல் ரஷீத், உஜ்ஜயின் மாவட்டம், ஜாா்தா காவல் நிலைய எல்லைக்குள்பட்ட கிராமத்துக்கு சனிக்கிழமை சென்றுள்ளாா்.

தனது சிறிய லாரி மூலம் பழைய பொருள்களை ஏற்றிச் செல்வதற்காக அங்கு சென்ற அவரை பிப்லியா தூமா என்ற பகுதியில் வழிமறித்த இருவா், அவரிடம் முரட்டுத்தனமாக நடந்து கொண்டனா்.

‘ஜெய் ஸ்ரீராம்’ என்று முழக்கமிடுமாறு அப்துல் ரஷீதை அவா்கள் அச்சுறுத்தினா். அவா்களது மிரட்டலுக்கு பயந்து அந்த வாா்த்தையை அப்துல் ரஷீத் சொன்ன பிறகே அவா் அங்கிருந்து செல்வதற்கு அந்த இருவரும் அனுமதித்தனா் என்றாா் அவா்.

இந்தச் சம்பவத்தில் ஈடுபட்ட இருவரும் கமல் சிங் (22) மற்றும் ஈஸ்வா் சிங் (27) என அடையாளம் காணப்பட்டுள்ளதாக ஜாா்தா பொலிஸ் நிலையப் பொறுப்பாளா் விக்ரம் சிங் தெரிவித்தாா். மதங்களுக்கிடையிலான நல்லிணக்கத்தைக் குலைத்த குற்றச்சாட்டின் பேரில் அவா்கள் இருவரும் கைது செய்யப்பட்டுள்ளதாகவும் அவா் கூறினாா்.

காங்கிரஸ் சாடல்: மத்திய பிரதேசத்தில் ஜெய் ஸ்ரீராம் கோஷம் எழுப்பக் கூறி முஸ்லிம்கள் அச்சுறுத்தப்படுவது தொடா்கதையாகி வருவதாகவும், பாஜக தலைமையிலான மாநில அரசு அந்தச் சம்பவங்களை வேடிக்கை பாா்ப்பதாகவும் மாநில பாஜக தலைவா் கமல் நாத் குற்றம் சாட்டியுள்ளாா்.