Back to Top

காரை முந்திச் செல்ல முற்பட்ட போது ஏற்பட்ட விபத்து!

காரை முந்திச் செல்ல முற்பட்ட போது ஏற்பட்ட விபத்து!

October 15, 2021  02:38 pm

Bookmark and Share
வவுனியா, ஏ9 வீதியில் இடம்பெற்ற விபத்தில் இளைஞன் ஒருவன் காயமடைந்துள்ளதாக வவுனியா பொலிசார் தெரிவித்துள்ளனர்.

இன்று (15) மதியம் இடம்பெற்ற இவ் விபத்து குறித்து மேலும் தெரிய வருவதாவது,

கிளிநொச்சியில் இருந்து ஏ9 வீதி ஊடாக வவுனியா நகரை நோக்கி பயணித்த மகேந்திரா பட்டா ரக வாகனம் வவுனியா விவசாய பண்ணை முன்பாக பயணித்துக் கொண்டிருந்த போது கார் ஒன்றை முந்திச் செல்ல முற்பட்டது.

இதன்போது வவுனியா நகரில் இருந்து ஏ9 வீதி ஊடாக ஓமந்தை நோக்கி பயணித்த மோட்டார் சைக்கிளுடன் நேருக்கு நேர் மோதி விபத்துக்குள்ளானது.

குறித்த விபத்தில் மோட்டார் சைக்கிள் சாரதி காயமடைந்துள்ளதாக பொலிசார் தெரிவித்தனர். விபத்து தொடர்பில் வவுனியா போக்குவரத்து பொலிசார் மேலதிக விசாரணைகளை முன்னெடுத்துள்ளனர்.

-வவுனியா தீபன்-