Back to Top

சவால்கள் நிறைந்த காலத்திலும் உறுதியாக நிற்கும் HNB

சவால்கள் நிறைந்த காலத்திலும் உறுதியாக நிற்கும் HNB

November 23, 2022  02:43 pm

Bookmark and Share
HNB PLC 2022 செப்டெம்பர் மாதத்துடன் முடிவடைந்த ஒன்பது மாதங்களில் வரிக்கு முந்தைய இலாபம் 12.4 பில்லியன் ரூபாவையும், வரிக்குப் பிந்தைய இலாபம் 10.5 பில்லியன் ரூபாவாகவும் பதிவு செய்துள்ளதுடன், குழுவாக வரிக்கு பிந்தைய இலாபமாக 11.6 பில்லியன் ரூபாவை பதிவு செய்திருந்தது.

இதுதொடர்பாக HNB PLC இன் தலைவரான அருணி குணதிலக கருத்து தெரிவிக்கையில், “மிகவும் சவால்கள் நிறைந்த இந்த சூழ்நிலைமைகளின் கீழ் எமது செயற்பாடுகள், எமது வாடிக்கையாளர்கள் எம்மீது வைத்திருக்கும் நம்பிக்கை, எமது வர்த்தக மாதிரியின் உறுதிப்பாடு மற்றும் ஸ்தீரமற்ற நிலைமைகளின் ஊடாக பயணிப்பதில் எமது குழுவின் விழிப்புணர்வு மற்றும் திறமையான நிபுணத்துவம் போன்றவற்றை தெளிவாக எடுத்துக்காட்டுகின்றது. எங்கள் வாடிக்கையாளர்கள், முழு HNB குழு, பங்குதாரர்கள் மற்றும் அனைத்து பிரிவினர்களுக்கும் அவர்களின் தொடர்ச்சியான ஆதரவிற்காக எனது மனமார்ந்த நன்றியை தெரிவித்துக்கொள்கிறேன் மற்றும் நீண்ட கால மதிப்பை வழங்குவதில் எங்களின் அசைக்க முடியாத அர்ப்பணிப்பை மீண்டும் வலியுறுத்த விரும்புகிறேன்.” என தெரிவித்தார்.

வங்கியின் வட்டி வருமானம் 86%ஆல் அதிகரித்து 134.9 பில்லியன் ரூபாவை எட்டியதற்கு காரணம், மத்திய வங்கியால் ஏற்றுக்கொள்ளப்பட்ட இறுக்கமான பணவியல் கொள்கை நடவடிக்கைகளுக்கு இணங்க, இந்தக் காலப்பகுதியில் சராசரி AWPLR இல் 12 சதவீத புள்ளிகள் அதிகரித்ததே காரணமாகும். அதன்படி, செப்டம்பர் 2022 வரையிலான முதல் ஒன்பது மாதங்களில் வங்கியின் நிகர வட்டி வருமானம் ஆண்டுக்கு 100% அதிகரித்து 71.1 பில்லியன் ரூபாவாக இருந்தது.

நிகர கட்டண வருமானம் 65% ஆண்டு வளர்ச்சியைப் பதிவுசெய்து 11.0 பில்லியன் ரூபாவைப் பதிவுசெய்தது, 2021ஆம் ஆண்டுடன் ஒப்பிடுகையில் வர்த்தகம் மற்றும் கார்ட் வருமானம் அதிகமாக குறைந்திருந்தது. கூடுதலாக, இந்த காலகட்டத்தில் 80% க்கும் அதிகமான ரூபாய் மதிப்பிழப்பு காரணமாக விதிவிலக்கான பரிமாற்ற வருமானம் 16.8 பில்லியன் ரூபாவாகும்.

தமது செயல்திறன் குறித்து கருத்து தெரிவித்த HNB PLC இன் முகாமைத்துவ பணிப்பாளர் / பிரதம நிறைவேற்று அதிகாரி ஜொனதன் அலஸ், "நாடு இன்று எதிர்கொள்ளும் கடுமையான பொருளாதார நெருக்கடி, ஒட்டுமொத்த வங்கித் துறைக்கும் எண்ணற்ற சவால்களை ஏற்படுத்தியுள்ளது. அந்நியச் செலாவணி பணப்புழக்கக் கட்டுப்பாடுகள் வாடிக்கையாளர்களை ஆதரிக்கும் எங்கள் திறனைப் பாதிக்கும் ஒரு பெரிய சவாலாகும். 2019 முதல் மூலதனம் மற்றும் வட்டித் தடையை நீட்டிப்பதன் மூலம் தேவைப்படும் வாடிக்கையாளர்களுக்கு வங்கித் துறை தொடர்ந்து ஆதரவளித்து வருகிறது.

குறிப்பிடத்தக்க எண்ணிக்கையிலான வாடிக்கையாளர்கள் தங்கள் வாழ்வாதாரத்தை மீட்டெடுப்பதை நாங்கள் கண்டாலும், இன்னும் அதிக எண்ணிக்கையிலான வாடிக்கையாளர்கள் துயரத்தில் உள்ளனர், இதன் விளைவாக சொத்து தரத்தில் அழுத்தம் அதிகரித்துள்ளது. அழுத்தமான வருமான நிலைகள், அதிக வட்டி விகிதங்கள், பணவீக்கம் மற்றும் வரிகள் ஆகியவை தொடர்ந்து நிலைமையை மோசமாக்குகின்றன, ஏனெனில் இது வாடிக்கையாளர்களின் திருப்பிச் செலுத்தும் திறனைத் தடுக்கிறது.

இதனால் கடன் குறைபாடு காரணமாக அதிக ஒதுக்கீடுகள் செய்ய வேண்டிய நிலை ஏற்பட்டுள்ளது. அந்நியச் செலாவணியில் அரசுப் பத்திரங்களில் முதலீடு செய்வதில் ஏற்படும் பாதிப்புகள், புதிய மூலதனத்தை திரட்டுவதற்கு உகந்ததாக இல்லாத நேரத்தில் மூலதனத்தின் மீதான கூடுதல் சுமையாக இருக்கும்.” என தெரிவித்தார்.