இலங்கையில் ஒட்டுமொத்த சேவைகளையும் வழங்கும் முன்னணி வணிக வங்கிகளில் ஒன்றாகவும், மற்றும் டிஜிட்டல் வங்கிச்சேவை மற்றும் டிஜிட்டல் வலுவூட்டலுக்காக வலுவாக உழைத்தும் வருகின்ற DFCC வங்கி, 2023 ஆம் ஆண்டிற்கான மாதாந்த மின்-நாட்காட்டியை வெளியிடுவதன் மூலம், மாற்றம் கண்டுவருகின்ற காலங்களுக்கு முகங்கொடுத்து எதற்கும் வளைந்து கொடுக்கும் ஆற்றல் மற்றும் எந்த சூழ்நிலைக்கும் முகங்கொடுக்கும் திறன் ஆகியவற்றை ஊக்குவிக்கும் வகையில், ஒரு புதுமையான நடவடிக்கையை எடுத்துள்ளது. இந்த முயற்சியானது வாடிக்கையாளர்களுக்கு வங்கி வழங்கும் முக்கியமான தகவல் திரட்டுக்கள், புதிய தயாரிப்புகள் மற்றும் சேவைகள் பற்றிய விபரங்களை அறிந்துகொள்ள ஒரு மதிப்புமிக்க கருவியாக மட்டுமல்லாமல், உலகத்தை மாற்றியமைக்க தேவையான டிஜிட்டல் கருவிகளையும் அவர்களுக்கு வழங்கும்.

புதிய மாதாந்த மின்-நாட்காட்டி DFCC வாடிக்கையாளர் தளத்திற்கு ஜனவரி மற்றும் பெப்ரவரி 1 ஆம் திகதி குறுஞ்செய்தி இணைப்பு வழியாக அனுப்பப்பட்டதுடன், மேலும் ஒவ்வொரு மாத தொடக்கத்திலும் இவ்வாறு அனுப்பி வைக்கப்படும். DFCC அட்டை மூலமாகக் கிடைக்கும் சலுகைகள் மற்றும் அந்த மாதத்துடன் தொடர்புடைய பிற தகவல்கள் பற்றிய புதுப்பித்த தகவல் விபரங்களுடன் இடைச்செயற்பாடு கொண்ட நாட்காட்டிக்கான இணைப்பை இந்த மின்-நாட்காட்டி கொண்டிருக்கும். DFCC வங்கி தனது வாடிக்கையாளர்களுக்கு சௌகரியமான மற்றும் இலகுவான பாவனை கொண்ட டிஜிட்டல் வங்கிச்சேவை தீர்வுகளை வழங்குவதற்கான அர்ப்பணிப்புக்கு இது மற்றொரு எடுத்துக்காட்டு.

இந்த முயற்சி குறித்து கருத்து தெரிவித்த DFCC வங்கியின் சந்தைப்படுத்தல் மற்றும் நிலைபேற்றியல் நடவடிக்கைகளுக்கான துணைத் தலைவரான நில்மினி குணரத்ன அவர்கள், “டிஜிட்டல் தொழில்நுட்பத்தின் முன்னேற்றம் மற்றும் காகிதத்தின் பயன்பாடுகள் அருகி வருகின்றமை ஆகியவை கடந்த சில வருடங்களாக முன்னெப்போதும் இல்லாத வேகத்தில் முன்னேறி வருகின்றன. இன்றைய சூழலில் தகவல் ஆற்றல்மிக்கது. மேலும், எமது நிலைபேற்றியல் மூலோபாயத்தால் வழிநடத்தப்படுகிறது. சுற்றுச்சூழலில் எம்மால் ஏற்படுகின்ற பாதிப்பைக் குறைப்பதற்கான எங்கள் தேடலில் காகித பயன்பாட்டின் மீது நாம் தங்கிருப்பதைக் குறைக்க நாங்கள் உறுதிபூண்டுள்ளோம். எனவே, இந்த ஆண்டு, ஒரு புதுமையான மற்றும் இடைச்செயற்பாடு கொண்ட மின்-நாட்காட்டியை நாங்கள் அறிமுகப்படுத்தியுள்ளோம், இது ஒரு குறுந்தகவல் இணைப்பு வடிவத்தில் வாடிக்கையாளர்களுக்கு அனுப்பி வைக்கப்படும். இது வாடிக்கையாளர்கள் பயன்தரும் தகவல்களை பெற்றுக்கொள்வதற்கும், ஒவ்வொரு மாதமும் வாடிக்கையாளர்களுடன் தொடர்ந்து தொடர்பு கொள்வதற்கும், வங்கியின் தயாரிப்புகள் மற்றும் சேவைகளின் வரிசையைப் பற்றிய பல்வேறு சலுகைகள் மற்றும் வாய்ப்புகளை அறியப்படுத்துவதற்கும் எங்களுக்கு வாய்ப்பளிக்கும்,” என்று குறிப்பிட்டார்.

DFCC வங்கியானது முழுமையான சேவைகளை வழங்கும் ஒரு வணிக வங்கியாகும். இது பரந்த வகைப்பட்ட பரிவர்த்தனை, சேமிப்பு மற்றும் முதலீட்டு தயாரிப்புகள் மற்றும் சேவைகளை வழங்குகிறது. இவை அனைத்தும், அதிநவீன மற்றும் முன்னோடி டிஜிட்டல் வங்கிச்சேவை தொழில்நுட்பத்தின் பக்கபலத்துடன் வழங்கப்படுகின்றன. வங்கியானது அடுத்த தசாப்தம் வரை நீடிக்கக்கூடும் என எதிர்பார்க்கப்படுகின்ற தேசத்தின் நிச்சயமற்ற நிலைமைகளுக்கு உதவுவது என்ற மேலோட்டமான ஒரு குறிக்கோளுடன், DFCC வங்கியின் நிலைபேற்றியல் நோக்கத்தை வெளிக்காண்பிக்கின்ற வகையில், “எந்த சூழ்நிலைக்கும் முகங்கொடுத்து அதிலிருந்து வெளிவருகின்ற திறன் படைத்த இலங்கைக்கு பங்களிப்பது" என்பதை வலியுறுத்தும் தனது நிலைபேற்றியல் மூலோபாயம் 2030 ஐ இலங்கையில் முதன்முதலில் அறிமுகப்படுத்தியமை குறிப்பிடத்தக்கது. 2030 ஆம் ஆண்டளவில் இலங்கையில் காபன் நடுநிலைமை வங்கியாகவும், பசுமை நிதிக்கான வங்கியாகவும் தலைப்படுவதற்கு DFCC வங்கியின் நிலைபேற்றியல் மூலோபாயத்தில் தனிப்பட்ட, நிறுவன மற்றும் தேசிய மட்டத்தில் எந்த சூழ்நிலையிலிருந்தும் வெளிவருகின்ற திறனை வளர்ப்பது ஒரு முக்கிய அங்கமாகும்.

DFCC வங்கி தொடர்பான விபரங்கள்..   

DFCC வங்கியானது 68 வருட பாரம்பரியம் கொண்ட, முழுமையான சேவைகளையும் வழங்கும் ஒரு வணிக வங்கியாகும், இது பல்வேறு வணிக மற்றும் அபிவிருத்தி சார்ந்த வங்கிச் சேவைகளை வழங்கி வருகிறது. வங்கியின் நிலைபேண்தகைமை மூலோபாயம் 2020 - 2030, சூழலைப் பேணிப் பாதுகாக்கும் முயற்சிகளுக்கான கடன் வசதி, நிலைபேண்தகு மற்றும் சமூக தொழில்முனைவோருக்கு ஆதரவை வழங்குவதன் மூலம் நிலைபேண்தகு பொருளாதார வளர்ச்சிக்கு பங்களிக்கும் வகையில் எந்த சூழ்நிலையிலிருந்தும் மீண்டு எழும் திறன் கொண்ட வணிகங்களை உருவாக்குவது அடங்கலாக, மீண்டு எழுகின்ற திறனை மேம்படுத்துவதற்கு கூடுதலாக பங்களிக்கும் முன்னணி வங்கிகளில் ஒன்றாக இது திகழ்கிறது. புகழ்மிக்க ஐக்கிய இராச்சியம், Global Brands Magazine சஞ்சிகையிடமிருந்து இருந்து 2021 இல் இலங்கையில் ‘Most Trusted Retail Banking Brand’ மற்றும் ‘Best Customer Service Banking Brand’ ஆகிய விருதுகளை வங்கி வென்றுள்ளது. அத்துடன், Euromoney இடமிருந்து ‘Market leader in Cash Management 2021’ விருதையும் பெற்றுள்ளது. Business Today சஞ்சிகையால் இலங்கையின் மிகச் சிறந்த 40 வர்த்தக நிறுவனங்கள் மத்தியில் DFCC வங்கி தரப்படுத்தப்பட்டுள்ளது. DFCC வங்கியானது Fitch Ratings Lanka Limited இடமிருந்து A- (lka) தரப்படுத்தலை பெற்றுள்ளது. இது இலங்கை மத்திய வங்கியின் மேற்பார்வையின் கீழ் அனுமதி உரிமம் பெற்ற விசேட வங்கியாகும்.